بەپەلە..پەرلەمانی عێراق پڕۆژە یاسای دامەزراندنی هەڵگرانی بڕوانامەی ماستەرو دکتۆرای پەسەند کرد

ئەمڕۆ پەرلەمانی عێراق بە کۆی دەنگ ئەو پێشنیارە یاسایەی پەسەند کرد کە وەکو لیژنەی خوێندنی باڵای پەرلەمانی عێراق پێش دوو مانگ گەڵاڵەکرابوو، ئەم یاسایە دامەزراندنی هەڵگرانی بڕوانامەی ماستەرو دکتۆرا لە وەزارەتەکانی عێراقدامسۆگەر دەکات بەجۆرێک رێژەی (۲٠٪) ی دامەزراندنی وەزارەتی خوێندنی باڵاو (۱٥٪) ی هەموو دەستە و وەزارەتەکانی تری عێراق بۆ هەڵگرانی بڕوانامەی ماستەرو دکتۆرا ئەبێت ،  ئەگەر خاوەنی ئەو بروانامانە پێشکەشی دامەزراندنیان نەکردبوو پلەکانیان ئەدرێتە بڕوانامەی نزمتر، هەر بەپێی یاساکە ئەوانەی وانەبێژبوونە ساڵانەی خزمەتیان بۆ سەرە مووچەو بەرزە مووچەو خانەنشینیش سوودی لێوەر دەگیرێت، دیارە بەپێی یاساکە هەڵگرانی بروانامەکانی ماستەرو دکتۆرای هەرێمی کوردستانیش بۆیان هەیە لە وەزارەتەکانی عێراق دابمەزرێن ، بیرۆکەی گەڵاڵە کردنی ئەم یاسایە دوای ئەوە هات کە نزیکەی (٤٠٠٠ ) هەڵگری بروانامەی باڵا داوایەکیان پێشکەش بە پەرلەمانی عێراق کرد کە تیایدا بێبەش بوونی خۆیانیان لە دامەزراندن باسکردبوو ، جێگای باسە پەرلەمانتاری کوردستان د.فەرهاد قادر لەو لیژنەدایەو سەرپەرشتی پرۆژەکەیکردوە تا گەیشتن بەبڕیار.

17351989_2100368560189427_5680432801262735743_n

Advertisements

کۆمێنتێک جێبهێڵە