Advertisements
Skip to content

ئازار 22, 2017

سایتی زانکۆلاین ترسناکترین پڕۆژەی وەزارەتی خوێندنی باڵا ئاشکرادەکات سەبارەت بە دەرچوانی پۆلی ١٢

by Kurd

سایتی زانکۆلاین ترسناکترین هەنگاوی وەزارەتی خوێندنی باڵا ئاشکرا دەکات سەبارەت بە چۆنیەتی وەرگرتنی دەرچوانی پۆلی ١٢ لە زانکۆو پەیمانگاکان بۆ دەرچوانی پۆلی ١٢ ی ئەمساڵ.سەرچاوەیەک لەوەزارەتی خوێندنی باڵاوە کەی نەیویست ناوی بڵاوبکرێتەوە ئاشکرای کرد کە وەزارەتی خوێندنی باڵا پڕۆژە پێشنیارێکیان پێشکەش بە زانکۆکانکردوە بەوەی کە سیستمی وەرگرتنی زانکۆکان بۆ ئەمساڵ بکرێت بە ٢ قۆناغ، قۆناگێک زانکۆلاین تەنها بۆ دەرچوانی پۆلی ١٢ بێت کەبەخولی یەکەم دەرچون و قۆناغی دووەمی زانکۆلاین بۆ ئەو قوتابیانە بێت کە بە خولی دووەم دەرچوون.. ئەم پرۆژە گەر بخرێتە بەر باس و پەسەند بکرێت گەورەترین کارەساتی زانستی بەدوای خۆیدا دەهێنێت لەبەر ئەم هۆکارانە:

١- ناعەدالەتی لەنمرەی وەرگرتن لەنێوان خولی یەکەم و خولی دووەم دروست دەبێت چوونکە ژمارەی کورسی دابینکراو بۆ هەربەشێک دیاریکراوەو ژمارەی دەرچوانی خولی یەکەم و دووەم دیاریناکرێت بەمەش ئەگەری زۆرە خوێندکارێک بەخولی یەکەم دەرچوە لەپزیشکی گشتی وەرگیرێت بە نمرەی ٨٥ و خوێندکارێکیش بەخولی دووەم دەربچێت بە ٩٥ یش وەرنەگیرێت.

٢- ژمارەی کورسیە تەرخانکراوەکان بۆ هەر بەشێک دیاریکراوەو ئەستەمە بتوانرێ دابەش بکرێت لەنێوان خولی یەکەم و دووەم چونکە ئاستی پێشبڕکێ لەنێوان خولی یەکەم و دووەم جیاوازە بەحوکمی جیاوازی لە ژمارەی قوتابیانی دەرچوو لە خولی یەکەم و دووەم

٣- سەرەڕای ئەم سیستمە چەندین سیستمی وەرگرتنی تر هەیە کە ئەم وەزارەتە ئێستا پەیڕەوی دەکات لە وەرگرتنی خوێندکاران کە نایەکسان و هەرەمەکی پێوە دیارە لەوانە سیستمی وەرگرتنی راستەوخۆیی کە ساڵی رابردوو پەیڕەو کراو سیستمی پارالێل و ئێواران و چەند شیوازێکی تری وەرگرتن.

سایتی زانکۆلاین بەدواداچوونی زیاتر دەکات بۆ ئەوبابەتە بۆ ئەوەی بزانرێ ئایا بە رەسمی دەخرێتە بەرنامەی کاری وەزارەتەوە یان نا!

 

Advertisements
Read more from پۆلی ١٢, زانکۆ
  1. Bishwan bwrhan
    ئازار 22 2017

    بە قوربانە بەدواداچونی بۆ بکەن و هەوڵبەن سەرنەگرێ چونکە ئێمە کە لە سلێمانی و هەڵەبجەین بەتەماین دەرسەکان بخەینە خولی دووەم بۆ بەدەستهێنانی نمرەی باشتر دەستان خۆش و سەرکەوتوو بن

    وەڵامدانەوە

کؤمینتت چیە؟

%d هاوشێوەی ئەم بلۆگەرانە: