ھەمو کوردێک دەبێت بیخوێنێتەوە

بیخونەرەوە ئەگەر کاتت هەبووئەو چیرۆکەیە کە زۆر پەیوەندی بە ژیانی مرۆڤەکانەوە هەیە 
ئەگێڕنەوە کە شێری پادشای دارستان زۆر نەخۆش ئەبێت و توانای ڕاوکردنی نامێنت بۆیە بە ڕێوی ئەڵێت بڕۆ نێچیرێکم بۆ بێنە با بیخۆم بەڵێنیشت پێ ئەدەم کە هەرگیز تۆ نەخۆم و بەشیشت ئەدەم .

ڕێویش ئەڕوات لەڕێگا کەرێک ئەبینێ 

پێی ئەڵێت : شێر زۆر نەخۆشە و ئەیەوێت لەپێش مردنیدا پادشایەک بۆ دارستان دابنێت ، بەمنیشی ووت بڕۆ کەر بانگ بکە چونکە ئەو زۆر گونجاوە بۆ پاشایەتی . 

کەریش بەخۆشییەوە دوای ڕێوی ئەکەوێت و هەر کە ئەگەنە لای شێر یەکسەر مام شێر دوو چەپۆکی بۆ دائەوەشێنێ و هەردوو گوێی کەر لەبنا ئەقرتێنێت ، بەڵام کەریش خۆی ڕائەپسکێنێ و ڕائەکات و خۆی لێ دەرباز ئەکات .

شێر بە ڕێوی ئەڵێت : ئەبێ بڕۆی کەرەکەم بۆ بهێنیتەوە .

ڕێویش جارێکیتر ئەچێتەوە بۆ لای کەرەکە و پێی ئەڵێت : ئەوە بۆ ڕاتکرد ؟

کەریش ئەڵێت : ئاخەر ئەو خەریک بوو بمخوات هەردوو گوێشمی لەبنا پەڕاند 

ڕێویش ئەڵێت : نا ئەوە تۆ بەهەڵە تێگەیشتوویت ، ئەو هەر لەبەر ئەوە گوێکانی تۆی پەڕاند هەتا تاجی پاشایەتییەکە جوان بچێت بەسەرتا چونکە گوێکانت ڕێگربوون . 

جارێکی تریش کەر بڕوا بە ڕێوی ئەکاتەوە و ئەچنەوە بۆ لای شێر 

ئەمجارە شێر لەدواوە پەلاماری کەر ئەدات بەڵام کلکی کەرەکە بەدەستییەوە ئەقرتێت وکەریش جارێکیتر ڕائەکاتەوە و خۆی ڕزگار ئەکات .

شێر زۆر تووڕە ئەبێت و بەڕێوی ئەڵێت بڕۆ جارێکی تریش بۆم بهێنەرەوە .

ڕێویش ئەڕوات و کەرەکە ئەدۆزێتەوە و پێی ئەڵێت : ئەوە تۆ بۆ هەر ڕائەکەیت بێ ئەقڵ ئەوە شێر بۆیە کلکی لێ کردیتەوە هەتا بتوانیت بە جوانی لە سەر کورسی پاشایەتیەکە دانیشیت .

ئەمجارەش کەر باوەڕ بە ڕێوی ئەکاتەوە و ئەگەڕێنەوە بۆ لای شێر .

شێریش ئەمجارە زۆر باش خۆی بۆ ئامادەکردووە و بەیەک چەپۆک ملی ئەشکێنێت و ئەیکوژێت ،

ئینجا شێر بە ڕێوی ئەڵێت : بڕۆ لەسەر بەڵێنەکەی خۆمان جوان کەوڵی بکە و مێشک و دڵ و جگەرەکەیم بۆ بهێنە با پێشەکی ئەوانە بخۆم 

ڕێویش کەوڵی ئەکات بەڵام زۆر حەزی لە مێشکی کەرەکە ئەبێت بۆیە خێرا ئەیخوات تەنها دڵ و جگەرەکەی بۆ شێر ئەبات .

شێریش توڕە ئەبێت و ئە ڵێت ئەی کوا مێشکەکەی ؟؟؟ 

ڕێویش ئەڵێت : گەورەم کە کەلەکەیم شکاند مێشکی تیانەبوو 

شێریش ئەڵێت چۆن شتی وائەبێ تۆ درۆ ئەکەیت . 

ڕێویش لەسەخۆ و بەهێمنی بەشێر ئەڵێت : 

 گەورەم ئەگەر کەر مێشکی هەبوایە کە دووجار لەدەستی تۆ لە مردن ڕزگاری بوو هەردوو گوێی و کلکیشت قرتانت ئیتر بۆ جاری سێهەم نەئەگەڕایەوە بۆلات …!!!!!
تێبینی : ئەو چیرۆکە لەساڵی هەشتاکاندا لە کتێبی بەناوبانگی (کلیلە و دیمەنە)دا خوێندووەتەوە و ئێستاش جارێکی تر دامڕشتۆتەوە

Advertisements

comments?