Advertisements
Skip to content

ته‌مموز 12, 2018

بە یەکەم پیتی ناوەکەت کەسایەتیت بناسە

by Kurd

لێکدانەوەی کەسایەتی جۆری زۆرە، ئەم لێکدانەوەیە بریتییە لە خوێندنەوەی کەسایەتی مرۆڤەکان بە پێی پیتی یەکەمی ناوەکەیان.

ئەلف : میهرەبان و ڕەفتار جوان و خوێن گەرمن، لەگەڵ هەموو کەسێکدا بە زوویی دەکرێنەوە، حەزیان لە ڕەنگی ڕەش نیە و زوو زوو نەخۆش دەکەون، کە بڕیارێکیان دا زۆر درەنگ پەشیمان دەبنەوە.

ب: کەسانێکی باڵا جوان و کەشخەن، زۆر دەست و دڵ کراوەن، هیچ گرنگییەک بە ماڵی دنیا نادەن.

ج: کەسانێکی ڕوو خۆشن و زۆربەی کات بە هۆی نەخۆشی گەدەوە گیرۆدەن، کەسانێکی کەڵەگەتن و دەموچاوێکی پڕ و جەستەیەکی جوانیان هەیە، زۆر سەرەڕۆ و بزێون، زۆر گرنگی بەکارەکانیان دەدەن.

د: کەسانێکن زیاتر لایەنی ئاینییان بەهێزە، زۆر بیر دەکەنەوە، هەموو کاتێک لەبەرەوپێش چوندان لەکاردا، زۆر بە دیقەتەوە کارەکانیان ئەنجام دەدەن.

هـ : کەسانێکی سەرنجڕاکێشن و هەمیشە هەوڵ دەدەن هەستی بەرامبەر ڕاکێشن بۆ خۆیان، زۆربەی کات بێ مەزاجن و شەڕیان لێدەبارێت.

و: کەسانێکن زۆریان حەز بەیارمەتیدانی کەسانی ترە، زۆر لەخۆڕازین و هیچ کاتێک لە پشتەملە باسی کەس ناکەن.

ز: کەسانێکی رەفتار جوان و خۆشەویست و خوێن گەرمن، لە بڕیاردا زۆر جددین و زۆر کات شکستی گەورەش دەهێنن لە کارەکانیاندا، زۆر کات بە ئازاری سەر و ئەژنۆوە دەناڵێنن، بەڵام زۆر بەئیرادە و بەئومێدن.

ت: کەسانێکن کەم دەخەون و زۆربەی کات بەخەبەرن، هەرکات هەست بەهەڵەیەک بکەن بەرامبەر کەسێک بەخێرایی داوای لێبووردن دەکەن، ئەگەردڵی کەسێکیان لێ بڕەنجێت زۆر نیگەران دەبن، کەسانێکن زۆربەی کات هەست بەتەنیایی دەکەن.

پ: کەسانێکی بەهێز و بەئیرادەن، لەهەر کارێکدا بیانەوێت هەوڵی زۆر دەدەن، کەسانێکن زۆر بیردەکەنەوە بڕیارەکانیان لۆژیکییە، لە ژیاندا زۆر پشت بەخۆیان دەبەستن.

ح: کەسانێکی ڕاستگۆن و زۆر رقیان لە درۆیە، کەسانێکن کینە لەدڵن و زۆربەی کاتی ژیانیان خەریکی شەڕ کردن لەگەڵ بەرامبەر.

خ: کەسانێکن خاوەنی چاوێکی گەورە و جوانن و خۆشەویستن لای خەڵکی، هەرچەندە هەوڵ دەدەن لایەنی داراییان بەهێز بێت، بەڵام زۆربەی کات وەک خۆیەتی، کەسانێکن لایەنی سۆزدارییان بەهێزە و تەمەڵن لەکارکردندا، ئەگەر بیانەوێت و کارێک لایان گرنگ بێت بە خێرایی ئەنجامی دەدەن.

ر: کەسانێکی شەرمنن، هەمیشە خەڵکی لە پاشەملە باسییان دەکەن، لەکارکردندا زۆر لەسەر خۆن و بەباشی بیر لە بڕیاردان دەکەنەوە، ئەگەر بیانەوێت بەهەموو پلەیەک دەگەن، زیاتر کەسانێکن لەڕووی داراییەوە دەوڵەمەندن.

س: کەسانێکن ئامادەن بۆ هەر کارێک کە بەرامبەرییان داوایان لێبکەن، هەموو کاتێک باشترین جۆر هەڵدەبژێرن و سەلیقەیەکی زۆر وردییان هەیە، زۆر لەخۆبایین و دەیانەوێت هەموو شتێک قسەی خۆیان بێت، زۆر توڕە و سەرکێشن.

ش: کەسانێکی میهرەبان و بێ دەنگن، هیچ کەسێک تووشی زیان نابێت بەدەستییانەوە، لایەنی سۆزدارییان زۆر بەهێزە و ئامادەن هاوکاری هەموو کەسێک بکەن.

ص: کەسانێکن زۆر گوێ دەگرن و کەم قسە دەکەن، زۆر خۆش باوەڕن، بەئیرادەن و لەهیچ پێشهاتێک ناترسن.

چ: کەسانێکی ڕەفتار جوان و زیرەکن و مێشکیان زۆر باش کاردەکات، هەموو کاتێک نیگەرانییەکانیان دەشارنەوە و هیج کاتێک شتە تایبەتەکانی ژیانیان بەکەس ناڵێن.

ژ: کەسانێکی بەهیوان، هیچ کاتێک ناخۆشییەکانی ژیان بێ تاقەتیان ناکات، لە هاوڕێیەتیدا زۆر بەوەفان، زۆربەی کات ژیانی خۆیان دەخەنە مەترسییەوە لەبەر هاوڕێکەیان.

گ: کەسانێکن کە چی لە دڵیاندایە لەسەر زمانیشیانە، زۆر دەست و دڵ کراوەن ماڵی دنیا هیچ بەلایانەوە گرنگ نییە، هەمیشە هەوڵ دەدەن سوودمەند بن بۆ دەورو بەرییان.

ع: کەسانێکی خاوەن دەسەڵاتن، بەڵام ئازاری هیچ کەسێک نادەن بەهۆی دەسەڵاتییانەوە، زۆر میهرەبانن و هاوکاری خەڵک زۆر دەکەن، لەناو خزماندا خۆشەویستن.

غ: کەسانێکی ڕوخسار جوانن، بەڵام زۆر بێ ئومێد و بێ ئیرادەن، زۆر کات لەگەڵ ڕابردوو دەژین و بیر لەداهاتوو ناکەنەوە.

ف: کەسانێکی توڕەن و تاقەتی قسەکردنی زۆرییان لەگەڵ خەڵکیدا نیە، لەهیچ شتێک سڵ ناکەنەوە و لەسەر بچوکترین شت شەڕ دەکەن، لە ژیاندا زۆر شکست دەهێنن، بەڵام ئەمە وایان لێ ناکات باشتر بن.

ق: کەسانێکی زیرەک و بەتوانان، لەهەر کارێکدا بەشداری بکەن جێدەستیان دیارە، زۆر ئاگاداری کەسایەتی خۆیانن و ڕەوشت لای ئەم کەسانە لەسەروو هەموو شتێکەوەیە.

ک: کەسانێکی ڕەفتار جوان و لەسەرخۆن، بەڵام زۆر کات خەڵکی بەهۆیانەوە تووشی زیانی گەورە دەبن، هەندێ کات بێ ئەوەی بزانن بە وشەیەک هەستی بەرامبەرییان بریندار دەکەن.

ل: کەسانێکی گۆشەگیرن و زیاتر حەزیان لە تەنهاییە، زۆر لەخۆبایین و زۆر تاقەتی مامەڵەی کەسانی نزیکی خۆیان نیە.

م: کەسانێکی خوێن گەرم و خۆشەویستن، بەئیرادەن لە ئەنجامدانی هیچ کارێک ناترسن، خەڵکی زۆر کات لەپاشەملە باسیان دەکەن بەڵام بەرەو ڕوو پیایاندا هەڵدەدەن، لو کارەکانیاندا زۆر جددین و زوو توڕە دەبن، کە عاشق دەبن کارەسات دەخولقێنن.

ن: کەسانێکی دوورەپەرێز و گۆشەگیرن، زۆر حەزیان لە بەشداری کردنی بۆنە کۆمەڵایەتییەکان نییە و زیاتر پێیان خۆشە تەنیا بن.

ی: کەسانێکن زۆر بیر دەکەنەوە و درەنگ بڕیار دەدەن، زۆر کات پێیان خۆشە یارمەتی کەسانی تر بدەن، زۆربەی کات لە ماڵەوەن و زۆر حەزیان لە قەرەباڵغی نیە.

Advertisements
Read more from هەواڵ

کؤمینتت چیە؟

%d هاوشێوەی ئەم بلۆگەرانە: