Advertisements
Skip to content

كانونی یه‌كه‌م 15, 2018

وەزارەتی پەروەردە پشوەکانی راگەیاند

by Kurd
وەزارەتی پەروەردەی هەرێم ڕونكردنەوە لەبارەی پشووەكانی ئەمساڵی دەدات و بەرپرسێكی ئەو وەزارەتەش تەئكید دەكاتەوە بەر لە تاقیكردنەوەكانی كۆتایی وەرزی یەكەم، دوو رۆژ پشوو دەبێت و دوای تاقیكردنەوەكانیش پێنج رۆژ دەكرێتە پشوو.
كەریم لەتیف، بەڕێوەبەری گشتی ئەزمونەكان لە وەزارەتی پەروەردەی  حكومەتی هەرێم بەSNNراگەیاند  ئەو ساڵنامەیەی دانراوە، هیچ گۆڕانكارییەكی تێدا ناكرێت، بەر لە تاقیكردنەوەكانی كۆتایی وەرزی یەكەمی ئەمساڵی خوێندنی 2018-2019، تەنها رۆژانی 25ی ئەم مانگە و 1ی 1ی 2019 لە ناوەندەكانی خوێندنی سەر بە وەزارەتی پەروەردە دەكرێتە پشوو.
وتیشی: جگە لەو دوو رۆژە، هیچ پشویەكی دیكە دانانرێت، بەڵام لە 7ی 1ی 2019 تاقیكردنەوەكانی كۆتایی وەرزی یەكەم دەستپێدەكات و لە 17ی1ی 2019 كۆتایی پێدێت و ماوەی پێنج رۆژ پشوو دەبێت، لە 23ی 1ی 2019 وەرزی دووەمی ساڵی خوێندن دەستپێدەكاتەوە.
جەختیشیكردەوە بەهیچ شێوەیەك ئەو پشوەی بۆ زانكۆ و ناوەندەكانی سەر بە وەزارەتی خوێندنی باڵا دانراوە، چەند رۆژێك پێش سەری ساڵی نوێ یاخود لە ساڵانی رابردوو كە چەند رۆژێك بۆ پەروەردە پشوو بووە، بەر لە ساڵی نوێ لەمساڵدا تەنها كار بە ساڵنامەی خوێندن دەكرێت.
لای خۆشیەوە سەفین دزەیی وتەبێژی رەسمی حكومەتی هەرێم بە SNNی راگەیاند دیاریكردنی پشوەكانی  سەری ساڵی نوێ و پشوەكانی دیكە بۆ وەزارەتی پەروەردە بەگوێرەی ساڵنامەی خوێندن دەبێت و هیچ گۆرانكارییەك لە ساڵنامەی خوێندن و پشوەكانیان لەمساڵدا ناكرێت.
Advertisements
Read more from هەواڵ

کؤمینتت چیە؟

%d هاوشێوەی ئەم بلۆگەرانە: