Advertisements
Skip to content

كانونی دووه‌م 14, 2019

وەزارەتی خوێندنی بالا ناوی ١٠٦ خاوەن بروانامەی ماسترو دکتۆرا ئاشکرا دەکات بروانامەیان ساختەکردوە

by Kurd
وەزارەتی خوێندنی باڵای هەرێم، ئامارێك لەبارەی بڕوانامەی ساختەی توانستی زمانی ئینگلیزی بڵاودەكاتەوەو ئاشكراشیدەكات، زیاتر لە 100 كاندیدی ماستەرو دكتۆراو ئەوانەی داوای نازناوی زانستییان كردووە، بڕوانامەی ساختەیان پێشكەش كردووەو بەو هۆیەشەوە رێوشوێنی یاسایی و كارگێڕییان بەرامبەر گیراوەتەبەر.
وەزارەتی خوێندنی باڵاو توێژینەوەی زانستی هەرێم، لە راگەیاندراوێكدا، كە وێنەیەكی دەست SNN كەوتووە، ئاشكرایكردووە كە دوای ئەنجامدانی راستی و دروستی تایبەت بە بڕوانامەی توانستی زمانی ئینگلیزی، دەركەوتووە تائێستا (106) بڕوانامەی ساختە پێشكەشكراون و ڕێوشوێنی یاسایی و كارگێڕییان بەرامبەر گیراوەتەبەر.
هەر لە راگەیاندراوەكەدا هاتووە، دوای دەركردنی ڕێنمایی ژمارە (1)ی ساڵی (2016)ی تایبەت بە وەرگرتنی نازناوی زانستی و ڕێنماییەكانی ژمارە (4) و (5)ی ساڵی (2016)ی تایبەت بە خوێندنی باڵا/ ماستەرو دكتۆرا، كە تیایدا مەرجی توانستی زمانی ئینگلیزی نێودەوڵەتی (IELTS و TOEFL و PTE) وەك مەرجی پێش دەستپێكردنی خوێندنی ئەكادیمی ماستەرو دكتۆرا و وەرگرتنی نازناوی زانستی دانرا، ژمارەیەكی بەرچاو لە كاندیدان و خوازیارانی وەرگرتنی نازناوی زانستی، بڕوانامەی توانستی زمانی ئینگلیزی نێودەوڵەتی وەك(IELTS و TOEFL و PTE) پێشكەش بە وەزارەت و زانكۆكان كردبوو بەمەبەستی دەستپێكردن بە خوێندنی ئەكادیمی و وەرگرتنی نازناوی زانستی.
وەزارەتی خوێندنی باڵا ئاشكراشیكردووە، دوای ئەنجامدانی ڕاست و دروستی و بە هەماهەنگی لەگەڵ لایەنی پەیوەندیدار بۆ ئەو بڕوانامانەی پێشكەش بە وەزارەت و زانكۆكان كرابوون،  دەركەوت ژمارەیەك لە بڕوانامەكان ساختەن.
بەگوێرەی ئاماری وەزارەتەكە، بڕوانامە ساختەكان بریتین لە (106) بڕوانامەی توانستی زمانی ئینگلیزی، كە بەم شێوەیەیە: زانكۆی سەڵاحەدین/ هەولێر (26) بڕوانامەی ساختە، زانكۆی سلێمانی (48)، زانكۆ هەڵەبجە (12)، زانكۆی گەرمیان (5)، زانكۆی دهۆك (4)، زانكۆی زاخۆ (3)، زانكۆی هەولێری پزیشكی (2)، زانكۆی پۆلیتەكنیكی دهۆك (2)، زانكۆی كۆیە (1)، زانكۆی سۆران (1)، زانكۆی پۆلیتەكنیكی هەولێر (1)، زانكۆی ڕاپەڕین (1) بڕوانامەی ساختە پێشكەشكرابوون.
وەزارەتی خوێندنی باڵا ئاماژەی بەوەشكردووە كە فەرمانی زانكۆیی وەرگرتن لە خوێندنی باڵا/ ماستەر و دكتۆرا و وەرگرتنی نازناوی زانستی ئەو كەسانە هەڵوەشاوەتەوە، كە بڕوانامەی ساختەیان پێشكەش كردووەو ڕێوشوێنی یاسایی و كارگێڕی بەرامبەریان گیراوەتەبەر.
Advertisements
Read more from هەواڵ

کؤمینتت چیە؟

%d هاوشێوەی ئەم بلۆگەرانە: