Skip to content

Posts from the ‘هەواڵ’ Category

16
Feb

ئه‌پی زینده‌زانی پۆلی ١٢ دابه‌زێنه‌

بۆ یه‌كه‌م جار له‌ كوردستان ته‌واوی ئه‌پی زینده‌زانی پۆلی ١٢ به‌ند به‌ند كرابه‌ پرسیارو وه‌ڵامی شێوه‌ تاقیكردنه‌وه‌ی وزاری و خوێندكاران ده‌توانن خۆیان تاقیكردنه‌وه‌ ئه‌نجام بده‌ن له‌م ئه‌په‌داو وه‌ڵامه‌كانیش ببینن.

كلیك بكه‌ بۆ دابه‌زاندنی ئه‌پ بۆ ئایفۆن

كلیك بكه‌ بۆ دابه‌زاندنی ئه‌پ بۆ ئه‌ندرۆید\سامسۆنگ گالاكسی
15
Feb

ئێستا ئه‌پی زینده‌زانی پۆلی ١٢ دابه‌زێنه‌

بۆ یه‌كه‌م جار له‌ كوردستان ته‌واوی ئه‌پی زینده‌زانی پۆلی ١٢ به‌ند به‌ند كرابه‌ پرسیارو وه‌ڵامی شێوه‌ تاقیكردنه‌وه‌ی وزاری و خوێندكاران ده‌توانن خۆیان تاقیكردنه‌وه‌ ئه‌نجام بده‌ن له‌م ئه‌په‌داو وه‌ڵامه‌كانیش ببینن.

دابه‌زاندنی ئه‌پ بۆ به‌كارهێنه‌رانی ئایفۆن

دابهزاندنی ئهپ بۆ بهكارهێنهرانی ئهندرۆید(گالاكسی)

11
Feb

خوێندكارێك وه‌رگیراو له‌زانكۆ ده‌گه‌رێنرێته‌وه‌ پۆلی ١٠

Source: Rudaw
دوای زیاتر لە 5 ساڵ دەردەكەوێ كچە قوتابییەك لە پۆلی پێنجی ئامادەیی دەرنەچووە و چووەتە زانكۆش. دواتر لە زانكۆوە دەگەڕێندرێتەوە قۆناغی ئامادەیی. پەروەردەی سلێمانی لیژنەیەكی بۆ لێكۆڵینەوە لەگەڵ بەڕێوەبەر و یاریدەدەری قوتابخانەكە پێكهێناوە.

سۆزیار فاتیح محەممەد، خەڵكی دەربەندیخانە و ئەمساڵ لە كۆلێژی وەرزشی زانكۆی سەڵاحەدین وەرگیراوە، سۆزیار مانگێكیش دەوام دەكات، بەڵام دەیگەڕێننەوە بۆ ئامادەیی. سۆزیار بە (رووداو)ی گوت: “ساڵی 2012-2013 پۆلی 10ی ئامادەیی بووم، لە وانەی بیركاری پەڕینەوەم هەبوو، لە پۆلی 11 تاقیكردنەوەی وەرزی یەكەمم دا، بەڵام بۆ تاقیكردنەوەی دووەم ئاگادار نەكرام، پۆلی 11 و 12م تەواو كرد و لە كۆلێژی وەرزشی زانكۆی سەڵاحەدین وەرگیرام، هەموو شتكیش بەئاسایی دەڕۆیشت، بەڵام بڕوانامەكەیان هەڵوەشاندمەوە”.

سۆزیار دەشڵێ: “لە مانگی 11ی 2018 بە رێكەوتی ساڵی 2017 بەڕێوەبەری قوتابخانە، بەڵێننامەیەكی بە باوكم واژۆ كردووە كە گوایە كاتی خۆی منیان ئاگادار كردووەتەوە لەوەی هەردوو وەرزەكە تاقیكردنەوە بكەم و ژێربەژێریش كێشەكە چارەسەر دەكەن، ئینجا بە تەلەفۆن ئاگاداریان كردمەوە بڕوانامەكەم لە كۆلێژ وەربگرمەوە و بگەڕێمەوە دەربەندیخان، هەڕەشەی ئەوەشیان كرد ئەگەر وانەكەم پەیوەندی بە كۆلێژەكەوە دەكەن و كۆتایی بە خوێندنەكەم دێنن”.

سۆزیار پێیوایە بووەتە قوربانی هەڵەی بەڕێوەبەرانی قوتابخانەكەی :”من هەموو كاتێك ئامادەبووم بۆ تاقیكردنەوە و چاوەڕێ بووم، بەڵام دوو پۆلی دیكەشم بەبێ پەڕینەوە بڕی و ئاگاداریان نەكردمەوە، ئێستاش دوای 5 ساڵ كە لە زانكۆ وەرگیراوم و دەوامم كردووە، ئینجا دەمگەڕێننەوە بۆ پۆلی 10″.

بەڕێوەبەری قوتابخانەی خاك رۆژی 15/11/2018 بە نووسراوێك داوای لە بەڕێوەبەرایەتی پەروەردەی دەربەندیخان كردووە، بڕوانامەی سۆزیار هەڵبوەشێندرێتەوە، ئەوانیش لە 18/11/2018 داوا لە زانكۆی سەڵاحەدین دەكەن بڕوانامەی قوتابیەكە بگەڕێننەوە، بۆیە زانكۆی سەڵاحەدین سێ‌ رۆژ دواتر بڕیاری هەڵوەشانەوەی فەرمانی وەرگرتنی سۆزیار لە زانكۆكەیان دەردەكات.

ئەو قوتابییە نزیكەی سێ مانگە گەڕاوەتەوە ماڵەوە و دەڵێت: “بەهۆی هەڵەی بەڕێوەبەرایەتی قوتابخانەكەم خوێندنی ئەمساڵی زانكۆم لەدەستچوو، داوای پێكهێنانی لیژنەم كرد، ئەگەر لیژنەكە كێشەكەم بۆ چارەسەر نەكات، لە دادگای كارگێڕیی هەولێر سكاڵایان لەسەر تۆمار دەكەم”.

مامۆستا عەدنان عەلی عەبدوڵڵا، بەڕێوەبەری ئامادەیی خاك لە دەربەندیخان، سەبارەت بە كێشەی ئەو قوتابییە بە (رووداو)ی راگەیاند: “سۆزیار فێڵی لە ئێمە و كەسوكارەكەشی كردووە، بەڵام نەمانهێشت بەسەریاندا تێپەڕێ، ئەو زانیویەتی وانەی پەڕینەوەی هەیە و تاقیكردنەوەی نەكردووە، بەڵام قسەی نەكردووە”.

ئەی چۆن ئەوان بڕوانامەكەیان داوەتە قوتابییەكە؟ مامۆستا عەدنان گوتی: “یاریدەدەرەكەم لەبیری چووە كە پەڕینەوەی هەیە و بڕوانامەكەی داوەتەوە، دوای هەفتەیەك هات و گوتی بڕوانامەی قوتابییەكم داوەتەوە كە وانەی پەڕینەوەی هەبووە، بۆیە دەستبەجێ سەرووی خۆمان ئاگاداركردەوە”.

بەڕێوەبەری قوتابخانەكە دەشڵێ: “هەر ئەوكاتە كەسوكاری قوتابییەكەمان ئاگادار كردەوە كە بەهۆی كەمتەرخەمی خۆیەوە تاقیكردنەوەكەی نەكردووە، بەڵام ئەوان بڕوانامەكەیان نەهێنایەوە، بۆیە خۆم چوومە هەولێر و بڕوانامەكەم لە زانكۆ هێنایەوە، تەنانەت مافی ئەوەشم پێدا ساڵێكی دیكە لە زانكۆ و پەیمانگاكان وەربگیرێ”.

بۆچی پێشتر تاقیكردنەوەیان بە سۆزیار نەكردووە، مامۆستا عەدنان گوتی: “ئەم تۆمارە كە وانەی پەڕینەوەی هەبووە هی سەردەمی من نییە، بەڵكو هی دوو ساڵ و دوو بەڕێوەبەری پێش من بووە، بۆیە ئاگادار نەبووم، من دەمتوانی ویژدان و ئەخلاقی پیشەیی خۆم وەلابنێم و نمرەی بۆ دابنێم بەبێ ئەوەی كەس پێی بزانێ، بەڵام ئەمەم نەكرد، نمرە و تۆمار و بڕوانامە موڵكی گشتییە و دەرچوواندنی قوتابییەكی كەوتوو بە هەدەردانی موڵكی گشتییە، من لەسەر موڵكی گشتی هاتوومە دەنگ و سەرووی خۆم لێ ئاگادار كردەوە”.

بەڕێوەبەرایەتی گشتی پەروەردەی سلێمانی لیژنەیەكی لەسەر ئەم كەیسە پێكهێناوە، بەرپرسێكی پەروەردەی سلێمانی بە (رووداو)ی گوت: “لیژنەكە لەسەر بەڕێوەبەر و كارگێڕی قوتابخانە پێكهاتووە، چونكە ئەو داتابەیسەی تۆماری بڕوانامە كە هەیە هەمووی كۆدی خۆی هەیە و تەنیا لەلای بەڕێوەبەری قوتابخانەكە هەیە، بۆیە دەبێت هۆكاری ئەم هەڵەیە بزانرێت و ئیجرائات لەگەڵ ئەو كەسانە بكرێت كە هۆكاری دروستبوونی كێشەی خوێندكارەكەن”.

 مامۆستا شاهۆ ئەحمەد، بەڕێوەبەری پەروەردەی دەربەندیخان لەبارەی لیژنەكە بە (رووداو)ی راگەیاند: “لیژنەكە لەسەر بەڕێوەبەری قوتابخانە و كارگێڕی قوتابخانەكە پێكهێنراوە و دەستی بە لێكۆڵینەوە كردووە، دواتر راپۆرتی خۆیان بۆ بەڕێوەبەری گشتی پەروەردەی سلێمانی بەرز دەكەنەوە و ئیجرائاتی یاسایی لەگەڵ ئەو كەسانە دەكرێ كە كەمتەرخەم بوون”.

لیژنەكە دەستبەكار بووە و هەمووان چاوەڕوانی بڕیاری كۆتایی لیژنەكەن، مامۆستا عەدنان عەلی گوتی: “لیژنەكە لەسەر ئێمە پێكهاتووە، هەموو بەڵگەكانمان داوە بە لیژنەكە، ئەوانیش داویانە بە داواكاری گشتی، رۆژی یەكشەممە 10/2/2019 داواكاری گشتی من و یاریدەدەرەكەمی بانگ كرد و هەموو روونكردنەوەیەكمان داوە پێیان، چاوەڕوانی بڕیاری كۆتایی ئەوانین”.

 

9
Feb

قوباد تاڵه‌بانی: باوه‌ڕم به‌مافی هاوره‌گه‌زبازه‌كانه‌ له‌ كوردستان

له‌ تویتێكیدا قوباد تاڵه‌بانی جێگری سه‌رۆكی حكومه‌تی هه‌رێم رایده‌گه‌یه‌نێ كه‌ باوه‌ری به‌ مافی هاوره‌گه‌زبازه‌كانیش هه‌یه‌ له‌ هه‌رێی كوردستانداو ئه‌وانیش مافیان یه‌كسانه‌

8
Feb

د.عبدالستار شه‌ریف به‌شی یه‌كه‌م-چاوپێكه‌وتن لڤین

به‌ زنجیره‌ له‌ زانكۆلاینه‌وه‌ بیره‌وری ژیانی شه‌هیدی قه‌ڵه‌م د.عبدالستار تاهیر شه‌ریف بڵاو ده‌كه‌ینه‌وه‌ ئه‌م نوسینانه‌ بوه‌ هۆی تیرۆركردنی

به‌شی یه‌كه‌م

7
Feb

وه‌زیری په‌روه‌رده‌ داوا له‌خه‌ڵك ده‌كات كۆمه‌ك بۆ حكومه‌ت كۆبكه‌نه‌وه‌

له‌لێدوانێكیدا پشتیوان سادقی وه‌زیری په‌روه‌رده‌ داوا له‌ خه‌لك ده‌كات كه‌ هاوكاری حكومه‌ت بكه‌ن له‌ نۆژه‌نكردنه‌وه‌ی قوتابخانه‌كاندا.

ئه‌مه‌ له‌ كاتێكدایه‌ كه‌ كێشه‌ی دارایی له‌نێوان حكومه‌تی هه‌رێم و به‌غدا چاره‌سه‌ربوه‌ به‌ڵام به‌رپرسانی هه‌رێم هێشتا به‌ته‌مای لابردنی پاشه‌كه‌وتی موچه‌ نین و داوای یارمه‌تیش له‌خه‌لك ده‌كه‌ن.

7
Feb

چیرۆكی كوشتنی مامۆستاكه‌ی زانكۆی سلێمانی


ئه‌و پیاوه‌ی له‌ بری ئه‌وه‌ی بپارێزرێ، كوژرا!
له‌ساڵی ١٩٩٦ له‌ قۆناغی سێی به‌شی كوردی زانكۆی سلێمانی بووم،
دكتۆر عبدالستارطاهر شريف له‌به‌غداوه‌ هاتبوه‌ زانكۆی سلێمانی و وانه‌ی (منهج البحث)ى به‌ ئێمه‌ ده‌وته‌وه‌ و ئه‌م پیاوه‌ له‌كاتی وانه‌وتنه‌وه‌دا له‌هه‌موو مامۆستاكانی تر جیاوازتربوو ،،،
یه‌كه‌م//له‌به‌ر ئه‌وه‌ی ره‌فتارو گوفتاری له‌مامۆستاكانی تر نه‌ده‌چوو، پیاوێكی خاوه‌ن ئه‌زموونی بیرفراوان بوو توانای گوێ گرتنی هه‌بوو .
دووه‌م//مێژووی ٥٠ تا ٦٠ سالی عێراق و كوردستانی پێبوو، سڵی له‌ قسه‌كردن نه‌ده‌كرده‌وه‌و هه‌رچی بویستایه‌ ده‌یوت بێ گوێدانه‌ كه‌سانی تر ، هه‌ستت ده‌كرد پیاوێكی نه‌ترسه‌
سێیه‌م//پیاوێكی قسه‌ خۆش بوو ، ده‌رونناسێكی زیره‌ك بوو ، وه‌ڵامی پرسیاری پێبوو ، حه‌زی ده‌كرد ئه‌وه‌ی ده‌یزانێ بیڵێ و بیگه‌یه‌نێته‌ به‌رامبه‌ر
چواره‌م//تاڵی و سوێری ژیانی چه‌شتبوو
پێنجه‌م//یه‌كه‌م مامۆستای زانكۆ بوو حه‌زی نه‌ده‌كرد تاقیكردنه‌وه‌ به‌ خوێندكاره‌كانی بكات به‌ڵام زانكۆ لێی قه‌بوڵ نه‌كرد ئه‌ویش ده‌یوت له‌به‌ر دڵی ئه‌وان قه‌ینا با تاقیكردنه‌وه‌ بكه‌ین
شه‌شه‌م//به‌رده‌وام كۆڕی بۆ ده‌كردین و له‌كاتی كۆڕه‌كانیدا جێگا نه‌بوو هۆله‌كه‌ جمه‌ی ده‌هات له‌ده‌ره‌وه‌ی هۆڵه‌كه‌ش خه‌ڵك ده‌وه‌ستا بۆ گوێگرتن
حه‌وته‌م//جارێكیان وتمان دكتۆر مامۆستاكانمان توڕه‌ن له‌گه‌ڵمان وتی كوڕم ئه‌وه‌ له‌ماڵه‌وه‌ ژنه‌كانیان رێزیان لێ ناگرن بۆیه‌ ئه‌وانیش ناچارن له‌ ئێوه‌ توڕه‌بن
هه‌موو جارێ ده‌یوت دایك سه‌ردار(ژنه‌كه‌ی) خۆشی ده‌وێم و به‌رده‌وام ئاگای لێمه‌
هه‌شته‌م//ئه‌و پیاوه‌ جۆرێك بوو هه‌زت ده‌كرد به‌رده‌وام قسه‌ی له‌گه‌ڵ بكه‌ی ، زانیاریه‌كی زۆری هه‌بوو له‌سه‌ر كه‌سایه‌تیه‌كان به‌تایبه‌ت سه‌ركرده‌كانی شۆڕشی باش ده‌ناسی و شتی زۆری پێبوو بۆ وتن
نۆیه‌م/ئه‌م پیاوه‌ ده‌بوو هه‌موو كورد ئاگای لێ بوایه‌ تاوه‌كوو یاداشته‌كانی ته‌واو ده‌كرد به‌ڵام ته‌نها به‌شی یه‌كه‌می كه‌وته‌ بازاڕه‌وه‌،
به‌داخه‌وه‌ نه‌یانهێشت ته‌واوی بكات و شه‌رمیان له‌ قژه‌ سپیه‌كه‌ی سه‌ری نه‌كرد
و كوژرا و له‌كاتێكدا خوا شه‌رم له‌مرۆڤه‌ گه‌وره‌ سه‌رسپیه‌كان ده‌كات به‌ڵام ئه‌وان شه‌رمیان لێ نه‌كردو مێژووی ٦٠ ساڵی وڵاتێكیان خسته‌ ژێر گڵ ، ده‌ك خه‌جاله‌ت بن ئه‌وانه‌ی كوشتیان.

هه‌زار ره‌حمه‌ت له‌ گۆڕه‌كه‌ت دكتۆر چه‌ند تامه‌زرۆی یاده‌وه‌ریه‌كانت بوو به‌ڵام تۆ كوژرایت و دزو جه‌رده‌كانی نیشتیمان له‌ جیاتی تۆ خه‌ریكن مێژووی درۆمان بۆ ده‌گێڕنه‌وه‌، 
ببوره‌ كه‌نه‌متوانی بتناسێنم
مەریوان سالح قادر.

تێبینی\ دكتۆر له‌ ٥-٣-٢٠٠٨ له‌سه‌ر رێگای كه‌ركوك هه‌ولێر له‌لایه‌ن ئۆتۆبیلێكی جۆری دایوی فه‌هس موه‌قه‌ته‌وه‌ ته‌قه‌ی لێده‌كرێت و تیرۆر ده‌كرێ و به‌پێی لێكۆڵینه‌وه‌كان ئۆتۆمبیله‌كه‌ هی هاوڵاتیه‌كی عه‌ره‌بی خه‌ڵكی زابی بوه‌و دزراوه‌ پێ مانگێك و دوای ئه‌نجامدانی تاوانه‌كه‌ سه‌یاره‌كه‌ بینراوه‌ چوه‌ته‌ باره‌گای یه‌كێك له‌ حزبه‌ كوردیه‌كان له‌ كه‌ركوك
ئێوه‌ش ئه‌م پۆسته‌ی زانكۆلاین شه‌یركه‌ن بانه‌وه‌كانی ئێستاو داهاتوو بزانن مێژوو كه‌ده‌یخوێنیته‌وه‌ مه‌رج نیه‌ هه‌مووی راستبێ و مێژوو ده‌سه‌ڵات ده‌ینوسێته‌وه‌!

%d bloggers like this: