Advertisements
Skip to content

Posts from the ‘پۆلی ١٢’ Category

7
ئاب

هه‌والێكی ناخۆش بۆ خوێندكارانی پۆلی ١٢ به‌كرێدت ئه‌م معه‌ده‌لانه‌ ناتوانن وه‌رگیرێن

فه‌رمی : به‌سیستمی كرێدت٦٥ بۆ كۆلێج و ٦٠ بۆ په‌یمانگا دیاریكراوه‌

په‌یج و ماڵپه‌ری زانكۆلاین هه‌فته‌ی رابردووهه‌والێكی بڵاوكرده‌وه‌ كه‌ لێدوانێكی وه‌زیری خوێندنی باڵابوو له‌سه‌ر ئه‌وه‌ی كه‌ ئه‌و خوێندكارانه‌ی نمره‌یان خوار ٦٠ ه‌ به‌سیستمی كرێدت وه‌رناگیرێن و ئه‌مرۆش به‌فه‌رمی وه‌زاره‌تی خوێندنی بالا رێینماییی ده‌كرده‌و پشتراستی كردۆته‌وه‌ كه‌ هه‌ر خوێندكارێكی ده‌رچوی پۆلی ١٢ گه‌ر معه‌ده‌لی خوار ٦٥ بێ ناتوانێ پێشكه‌شكردن بۆ كۆلێج ئه‌نجام بدات به‌سیستمی كرێدت و ئه‌وه‌ش له‌ ٦٠ بۆ ٦٤ ی هه‌یه‌ ته‌نها ده‌توانێ پێشكه‌شكردن ئه‌نجام بدات بۆ به‌شه‌كانی په‌یمانگا به‌ سیستمی كرێدت.

Advertisements
7
ئاب

ته‌واوی زانیاری و ئامۆژگاریه‌كان له‌سه‌ر چۆنیه‌تی پڕكردنه‌وه‌ی فۆرمی وه‌رگیران له‌زانكۆو په‌یمانگاكان

په‌یج و ماڵپه‌ری زانكۆلاین وه‌ك گه‌وره‌ترین په‌یجی خوێندكاران و ڕۆشنبیران له‌سه‌رتاسه‌ری عێراق له‌لایڤێكیدا به‌ ئاماده‌بوونی مامۆستای زانكۆو یه‌كێك له‌ ئه‌ندامانی دامه‌زرێنه‌رو جێبه‌جێكاری سیستمی زانكۆلاین باسی ئه‌م زانیاریه‌ گرنگانه‌ی بۆ خوێندكاران كرد:

  • سیستمه‌كانی وه‌رگرتن چه‌ند به‌شن
  • پێناسه‌ی هه‌رسیستمێكی وه‌رگرتن چیه‌
  • چۆن خوێندكار به‌بێ هه‌ڵه‌ فۆرمهی وه‌رگیران پڕكاته‌وه‌
  • چۆن خوێندكار خۆی ئاماده‌ بكات بۆپڕكردنه‌وه‌ی فۆرمی وه‌رگیران
  • ئه‌و هه‌له‌باوانه‌ چین خوێندكاران ئه‌نجامی ده‌ده‌ن له‌كاتی پڕكردنه‌وه‌ی فۆرمی وه‌رگیران
  • چۆن بزانرێ سه‌نته‌ره‌ بازرگانیه‌كان كه‌سانی شاره‌زای تێدایه‌ فۆرمت بۆ پڕده‌كه‌نه‌وه‌؟
  • چۆن واده‌كه‌ی چاره‌نوست وه‌ك ٢٥٠٠ خوێندكاره‌كه‌ی ساڵی رابردونه‌بێ كه‌ به‌هۆی هه‌ڵه‌پركردنه‌وه‌ی فۆرمه‌وه‌ له‌ سه‌نته‌ری بازرگانی چاره‌نوسیان فه‌وتا

 

بۆ بینینی ته‌واوی زانیارو ئامۆژگاریه‌كان سه‌ردانی په‌ڕه‌ی فه‌رمی مامۆستا دلۆڤان بكه‌ن له‌م لینكه‌ی خواره‌وه‌

په‌ڕه‌ی فه‌رمی

1
ئاب

رێنمایی وەرگرتنی خوێندکاران لەزانکۆو پەیمانگاکان بۆ سالی خوێندنی ٢٠١٨—٢٠١٩

یەکەم و گەورەترین پەیجو مالپەری خوێندکاران لەسەرتاسەری عيراق پرۆژە بریاری رێنمایی و مەرجی وەرگرتنی خوێندکاران لەزانکۆو پەیمانگاکان بلاودەکاتەوە

له‌م پڕۆژه‌ بریاره‌دا ته‌واوی مه‌رجو رێنماییه‌كان بڵئوكراوه‌ته‌وه‌ له‌گه‌ڵ ناوی به‌شه‌كانی راسته‌وخۆ(هێشتا لیستی ته‌واوو كۆتایی نیه‌) له‌گه‌ڵ رێنمایی وه‌رگرتن به‌ سیستمی راسته‌وخۆو پارالێل و ئێواران .

تبینی : پاش كه‌مێكی تر به‌ پیدی ئێف هه‌موو رێنماییه‌كه‌ بڵاوده‌كه‌ینه‌وه‌ هه‌ر له‌ناو ئه‌م هه‌واله‌دا

 

جا دوباره‌و سێباره‌ی ده‌كه‌ینه‌وه‌ ئاگاداربن زانكۆلاین ٧ ساڵه‌ هه‌یه‌و یه‌ك پۆستی دور له‌ راستیی پۆست نه‌كردوه‌ و هه‌ر په‌یج و لایه‌ك كه‌ گومان له‌ راستی ئه‌م پرۆژه‌ بریاره‌ دروست ده‌كه‌ن جگه‌ له‌ بازرگان به‌سه‌ر ته‌له‌به‌وه‌ هیچی تر نین ، ئگاداربن زانكۆلاین سه‌رچاوه‌ی راستی هه‌موو هه‌واڵێكی خوێندكارانه‌ له‌ له‌كوردستان بۆ ماوه‌ی ٧ ساڵه‌ . .

 

پێش ئه‌وه‌ی پڕكردنه‌وه‌ی فۆرم ده‌ست پێبكات تكایه‌ به‌ جوانی بیخوێننه‌وه‌ ئه‌م رنماییانه‌و با فكره‌یه‌كی ته‌واو وه‌رگرن له‌سه‌ر  بابه‌ته‌كان. 

تینی\\ته‌واوی رێنماییه‌كه‌ به‌فه‌رمی له‌م چه‌ند رۆژه‌دا له‌لایه‌ن وه‌زاره‌تی خوێندنی بالاوه‌ بڵاو ده‌كرێته‌وه‌ كه‌ ئه‌وانیش بڵاویان كرده‌وه‌ به‌راورد بكه‌ن  بزانن چه‌ند گۆرانكاری كراوه‌..

17
تەموز

ئاگاداریەک لەوەزارەتی پەروەردەوە بۆ خوێندکارانی پۆلی ١٢، هەرئێستا چێکی نمرەکانتان بکان لێرەوە

وەزارەتی پەروەردە لە ماڵپەری خۆی ئەم ئاگاداریەی بڵاوکردۆتەوە:

قوتابی/خوێندکاری خۆشەویست ئەم ئاگاداریە بە ووردی بخوێنەوە:

پێویستە هەموو قوتابیان و خوێندکاران کۆدی خۆیان لێ بدەن بۆ ئەوەی نمرەکانی پۆلی ١٠ و ١١ خۆیان ببینن بۆ هەردوو وەرزو کۆششی ساڵانە، لەکاتی هەر هەڵەیەک قوتابی/خوێندکار بەزووترین کات پێویستە سەردانی قوتابخانە و خوێندنگاکەی بکات

 

کلیک بکە بۆ بینینی نمرەی پۆلی ١٠ و ١١

14
تەموز

ناوی بەشەکانی سیستمی راستەوخۆیی بۆ ساڵی خوێندنی ٢٠١٧-٢٠١٨

سلایدشۆو پێویستی بە جاڤاسکریپتە

10
تەموز

هەموو زانیاریەک لەسەر بەشەکانی کۆلێجی ئەندازیاری

زانكۆی كۆیه كورتەیەك دەربارەی #فاكەڵتی_ئەندازیاری👌🏻 .

 هەڤاڵ شوانی

پاش ئاوێتەكردنی كۆلێژەكان بە فەرمانی زانكۆیی ژمارە (7/2/269) لە (12/10/2010) و دانانی سیستەمی فاكەڵتی بڕیاردرا بە ئاوێتەكردنی كۆلێژەكان. لە ئێستادا ئەم فاكەڵتیە لە (٧) بەش ‌و سەنتەرێكی توێژینەوە پێكدێت، بەم شێوەیەی خوارەوە:

بەشەكانی:
١- ئەندازیاری تەلارسازی
٢- ئەندازیاری شارستانی
٣- ئەندازیاری جیۆتەكنیك
٤- ئەندازیاری نەوت
٥- ئەندازیاری كیمیاوی
٦- ئەندازیاری پرۆگرامسازى
٧- ئەندازيارى دروستكردن

بۆ بينينى سايتى فەكەڵتى ئەندازيارى كليك لەم لينكە بكە:

http://feng.koyauniversity.org/

1- بەشى ئەندازيارى دروستكردن:

(بەشی دروستکردن (Manufacturing) لە زانکۆی کۆیە)
لەگەڵ پێشکەوتنی خێرای پیشەسازی، پسپۆڕە گشتیەکان ناتوانێت پێداویستیەکانی بازاڕی کار دابین بکات، هەربۆیە لە زانکۆکانی جیهان ئاڕاستەکان بەرەو پسپۆڕی وردە.
دیارە لە کوردستانیش بەهۆی پێویستی بۆ کۆمەڵێ پسپۆڕی ورد، کۆمەڵێ بەشی لەو شێوەیە کراونەتەوە، بەشی دروستکردن لە زانکۆی کۆیە یەکێکە لەو بەشانە، کە لە ساڵی ٢٠١٣ دامەزرێنرا و لە ئێستادا یەکەم خولی دەرچوی هەیە.
بەهۆی ئەوەی خەڵکەکە ئاشنایە بەبەشە گشتیەکان و ئاشنا نین بەو بەشانەی کە پسپۆڕی وردن، جار وا هەیە ئەمە ئەبێتە مایەی پرسیار بۆ ئەو خوێندکارانەی کە بەنیازن لەم بەشانە بخوێنن، بۆیە لێرەدا بەپیوسیتمان زانی لەسەر بەشی دروستکردن ئەم بابەتە بە کورتی بنوسین.

بەشی دروستکردن (Manufacturing) چیە؟
(Manufacturing)
لە زمانی ئینگلیزیدا بەو واتایە دێت دروستکردن بەبەکارهێنانی ئامێر، واتا دروستکردنی پیشەسازی، واتا دروستکرن ئەو پڕۆسەیە تکنۆلۆجیەیە کە مادەی خاو دەگۆرێت بۆ ئەو کاڵایانەی کە پێداویستی خەڵک دابین ئەکات، ئیتر ئەو کاڵایە هەر لە ئۆتۆمبێل و فڕۆکەوە تا پێداویستی ناوماڵ، هەر یەك لەو کاڵایانە بە پرۆسەیەکەی دروستکردنی جیاواز تێپەڕ ئەبەن.
واتا لەم بەشەدا بابەتەکان پەیوەستە بە مادەی دروستکردن و پڕۆسەو تکنۆلۆجیای دروستکرن بەبەکارهێنانی ئامێر و بەڕیوەبردنیان.
ئەم بەشە لینکێکە نێوان ئەندازیاری میکانیك و ئەندازیاری پیشەسازی و ئەندازیاری مەواد و وەبەرهێنان و ئەندازیاری کیمیاوی وئەندازیاری ئەلیکترۆن و میکاترۆنیکس و زانستی کۆمپیوتەر .

کاری ئەندازیاری دروستکردن (Manufacturing Engineer)چیە؟
بەشێوەیەکی گشتی ئەرکی ئەندازیاری دروستکردن بریتیە لە چاودیریکردنی پڕۆسەی دروستکردن و ئامیرەکان و دیزاین و بەرهەمهێنانی کاڵا بە کوالیتی باش و پارەیەکی گونجاو. هەروەها باشترین سود وەرگرتن لە ئامێر و کارمەنادانی کارگە و دانانی پلان بۆ بەرەو پێشبردنی پرۆسەی دروستکردن و بەڕیوەربردنی.

بوارەکانی کارکردنی ئەندازیاری دروستکردن لە جیهاندا:
ئەندازیاری دروستکردن چانسێکی فراوانی کارکردنی هەیە لە بواری پێشەسازی، بەشێك لەم بوارانە بریتین لە پیشەسازی ئۆتۆمبێل و فرۆکە، پیشەسازی وزە، پیشەسازی ئەلەکترۆنیات و کۆمپیوتەر، پیشەسازی خواردن و پێداویستی ناوماڵ، پیشەسازی کیمیاوی، پیشەسازی پزیشکی ، پیشەسازی کەرەستەی بیناسازی ، پیشەسازی پێداویستی وەرزشی و زۆر بواری تر.

بوارەکانی کارکردنی ئەندازیاری دروستکردن لە کوردستان:
دیارە لە دە ساڵی ڕابردودا لە کوردستان بواری پیشەسازی تا ڕادەیەك پێشکەوتنی بە خۆوە بینی بەو هۆۆوە کۆمەڵی کارگە دروست کران، ئەو بوارانەی کە لە ئێستادا ئەندازیاری دروستکردن ئەتوانێ کاری تێدا بکات بریتین لە کارگەکانی ئاسن و کارگەکانی پلاستیك و کارگەکانی دروستکردنی پێداویستی بیناسازی و کارگەکانی خواردن و ئاو و خواردنەوە، هەروەها بواری نەوت و بەرهەمهێنانی کارەبا و چەندەها بواری تر.

بۆ زانیاری زیاتر سەبارەت بەو بابەتانەی لەم بەشە ئەخوینرێن لەم لینکەی خوارەوەیە:
https://docs.google.com/…/1sXUYvurMS8RSMuYFT4Gf_s_…/pubhtml…

بۆ بينينى سايتى بەشى ئەندازيارى دروستكردن، كليك لەم لينكە بكە:
http://feng.koyauniversity.org/departments/dmfe

٢- بەشى ئەندازيارى تەلارسازى

به‌شى ئةندازيارى تةلاراسازى له‌ كۆلیجی ئه‌ندازیاری زانكۆی كۆیه‌ له‌ ساڵی 2004 دامه‌زرا. هه‌رله‌ هه‌مان ساڵی خوێندن پۆلی یه‌كه‌می خوێندكارانی وه‌رگرت. به‌شه‌كه‌ له‌ سه‌ر بنچینه‌یه‌كی ڕاسته‌قینه‌ی دیاریكراوو تایبه‌ت ده‌ست به‌كاربوو به‌مه‌به‌ستی هێنانه‌دی ئامانجه‌كانی كه‌ زانكۆ بۆی دیاریكردبوو. ئه‌م ئامانجانه‌ش له‌م خاڵانه‌ی خواره‌وه‌ كورت ده‌كرێنه‌وه‌:

1. به‌هێزكردن و پته‌وكردنی په‌یوه‌ندی له‌گه‌ڵ كۆمه‌ڵگا به‌شێوه‌یه‌كی گشتی و له‌گه‌ڵ شاری كۆیه‌ به‌تایبه‌تی له‌ ڕێگای پێشكه‌شكردنی خزمه‌تگوزاری به‌سوود و كارا له‌لایه‌ن خوێندكاران و مامۆستایان و یه‌كه‌كانی توێژینه‌وه ‌و یه‌كه‌ پیشه‌ییه‌كان له‌ به‌ش و فاكه‌لتی و زانكۆدا.
2. جه‌ختكردن له‌سه‌رشاری كۆیه‌ وه‌ك شارێكی مێژوویی و دێرین و ده‌وڵه‌مه‌ند به‌ كه‌له‌پووری نه‌ته‌وایه‌تی كه‌ پێویسته‌ تۆماربكرێت و بپارێزرێت.
3. جه‌ختكردن له‌سه‌ر ئه‌وه‌ی كه‌ شاری كۆیه‌ شارێكی گه‌شتیارییه‌ و خاوه‌نی ده‌وروبه‌ررێكی نائاساییه‌ و گونجاوه‌ بۆ چه‌ندین پڕۆژه‌و خزمه‌تگوزاری گه‌شتیاری بۆ ئه‌وه‌ی ببێته‌ شوێنێكی سه‌رنج ڕاكێش نه‌ك ته‌نیا له‌ سه‌ر ئاستی هه‌رێمی كوردستان، به‌ڵكو له‌سه‌ر ئاستی عیڕاق و وڵاته‌كانی ده‌ورو به‌ریش.
4. جه‌ختكردن له‌سه‌ر ئه‌وه‌ی كه‌ شاری كۆیه‌ له‌گه‌شه‌كردندایه‌ وپێویستی به‌ خزمه‌تێكی زۆری كۆمه‌ڵگایی هه‌یه‌ بۆ ئه‌وه‌ی بتوانێ له‌ گه‌ڵ ئه‌م گه‌شه‌كردنه‌داڕێبكات و به‌رده‌وام بێت.

به‌شی ته‌لارسازی ڕۆڵیكی پێشڕه‌وانه‌و گرنگی هه‌یه‌ له‌ هێنانه‌دی ئه‌م ئامانجانه‌دا له‌ ڕێگای دانانی پلانێكی گشتگیر بۆ توێژینه‌وه‌و لێكۆڵینه‌وه‌ پڕۆژه‌ی نه‌خشه‌دانان له‌ هه‌موو قۆناغه‌كان (له‌ قۆناغی یه‌كه‌مه‌وه‌ تا پێنجه‌م). ئه‌م پلانه‌ش به‌ شێوه‌یه‌كی سه‌ره‌كی ده‌وه‌ستێته‌ سه‌ر پێداویسیه‌ ڕاسته‌قینه‌كانی شاره‌كه‌، كه‌ ئه‌مه‌ش ده‌بێت به‌ هه‌ماهه‌نگی و تێكگه‌یشتن له‌ نێوان زانكۆ (له‌ ڕێگای به‌شه‌كه‌وه‌) و كاربه‌ده‌ستانی شاره‌كه‌ و هاووڵاتیانه‌وه‌ ئه‌نجام بدرێت. له‌ دواییشدا ئێمه‌ ده‌مانه‌وێت ئه‌م هه‌له‌ بقۆزینه‌وه‌ بۆ دڵنیاكردنی به‌شه‌كه‌ له‌ هێنانه‌دی ئه‌م ئامانجانه‌ی سه‌ره‌وه‌ له‌ ڕێگای سوود وه‌رگرتن له‌ نوێ ترین و سه‌رده‌میانه‌ترین شێوازو ڕیگا و ئامێری فێركردن كه‌ زۆر ده‌مێكه‌ ده‌ستمان به‌به‌كارھێنانیان كردووه‌.

بۆ بينينى سايتى بەشى ئەندازيارى تەلارسازى كليك لەم لينكە بكە:

http://feng.koyauniversity.org/departments/dare

٣- ئەندازيارى شارستانى:

به‌شی ئه‌ندازیاری شارستانی له‌ ساڵی 2006ه‌وه‌ له‌ زانكۆی كۆیه‌دا دامه‌زراوه‌. ئه‌م به‌شه‌ خوێندكاران بۆ وه‌رگرتنی بڕوانامه‌ له‌ ئه‌ندازیاری شارستانی ئاماده‌ده‌كات. ئه‌ندازیارانی شارستانی پلان داده‌نێن و نه‌خشه‌ ده‌كێشن بۆ بیناكردن و پاراستنی خزمه‌تگوزارییه‌كانی كه‌ پێویستن بۆ شارستانیه‌تی وه‌ك پرد و به‌نداو و ڕێگاوبان و سیستمی په‌ڕینه‌وه‌وگواستنه‌وه‌ و فڕوكه‌خانه‌و تونێڵ سیستمی ئاودان و ئاو دابینكردن و بینا بازرگانی و پیشه‌سازییه‌كان. ئه‌م به‌شه‌ یه‌كێكه‌ له‌و به‌شانه‌ی كه‌داهاتوویه‌كی باشیان هه‌یه‌ له‌ بواری دۆزینه‌وه‌ی كارو پاره‌ به‌ده‌ستهێناندا بۆ هه‌ردوو ڕه‌گه‌زی پیاوان و ژنان و سه‌لماندنی كه‌سی و پێشكه‌شكردنی خزمه‌تگوزاری بۆ خه‌لك.
ئه‌ندازیاری شارستانی ئه‌م لقه‌ زانستانه‌ له‌خۆده‌گرێت: ئه‌ندازیاری پێكهاته‌یی‌ (كه‌ره‌سه‌ی بیناكردن) ، ئه‌ندازیاری بینا دروستكردن، ئه‌ندازیاری جیۆته‌كنیكی و ئه‌ندازیاری گواستنه‌وه‌ و ئه‌ندازیاری ژینگه‌یی و ئه‌ندازیاری سه‌رچاوه‌كانی ئاو.

ئه‌م به‌شه‌ ڕاسته‌وخۆ په‌یوه‌ندی به‌ ژیانی كۆمه‌ڵگای هه‌رێمی كوردستانه‌وه‌ هه‌یه‌ و به‌تایبه‌تیش به‌ شاری كۆیه‌وه‌ له‌ ڕێگای چالاكیه‌كانیه‌وه‌ وه‌كو نووسینگه‌ی ڕاوێژكاری و توێژینه‌وه‌ جێبه‌جێكراوه‌كانی كه‌ له‌لایه‌ن كارمه‌ندان و خوێندكارانه‌وه‌ ئه‌نجام ده‌درێن و سیمینارو وركشۆپه‌كانی كه‌ به‌ هاوكاری له‌گه‌ڵ فه‌رمانگه‌ حكومیه‌كانه‌وه‌ ئه‌نجام ده‌درێن له‌ شاره‌كه‌دا‌، هه‌روه‌ها له‌ ڕێگای ئه‌ندازیاره‌ مه‌یدانیه‌كانی ده‌رچوو له‌م به‌شه‌.

پڕۆگرامه‌كانی خوێندنی زانكۆ هه‌ردوو لایه‌نی ماتماتیكی ته‌واو و ماتماتیكی جێبه‌جێكراو له‌گه‌ڵ بابه‌تی تری تازه‌كراوه‌ی ئاره‌زوومه‌ندانه‌ كه‌ له‌ پیشه‌سازی و بازاڕدا پێویستن له‌خۆ ده‌گرن.

بۆ بينينى سايتى بەشى ئەندازيارى شارستانى كليك لەم لينكە بكە:
http://feng.koyauniversity.org/departments/dcen

٤- ئەندازيارى جيۆتەكنيك

به‌شی ئه‌ندازیاری جیۆته‌كنیكی ته‌نیا به‌شێكه‌ له‌م جۆره‌ له‌ هه‌رێمی كوردستان به‌تایبه‌تی و له‌ عیڕاق به‌شێوه‌یه‌كی گشتی. ئێمه‌ هه‌وڵێكی زۆرده‌ده‌ین كه‌ ئاستی فێركردن له‌م به‌شه‌دا به‌رزبكه‌ینه‌وه‌ تاوه‌كو بتوانێ شان له‌ شانی زانكۆ ئاست به‌رزه‌كانی جیهان بدات.

ئه‌ندازیاری جیۆته‌كنیكی لقێكه‌ له‌ ئه‌ندازیاری كه‌ تایبه‌ته‌ به‌ شیكردنه‌وه‌ و دیزاینكردن ودروستكردنی بناغه‌و لێژایی و پاراستنی پێكهاته‌و سیستمه‌كانی كه‌ له‌ خاك و به‌رد دروستكراون یان به‌خاك و به‌رد ڕاگیركراون. ئه‌م لقه‌ ئه‌ندازیارییه‌ په‌یوه‌ندی به‌ خاسیه‌ته‌كانی كه‌ره‌سه‌كانی زه‌وییه‌وه‌ هه‌یه‌.

ئه‌ندازیارانی جیۆته‌كنیكی له‌ خاك و به‌ردی ژێره‌وه‌ی شوێنێك ده‌كۆڵنه‌وه‌‌ بۆ دڵنیابوون له‌ گونجاوی خاسیه‌ته‌كانی بۆ دروستكردنی بینای پێشنیاركراو.‌ ئه‌م ئه‌ندازیارانه‌ بڕیار ده‌ده‌ن له‌سه‌ر دیزاین و جۆری بناغه‌ و به‌ردڕێژی ئه‌و پێكهاتانه‌ی كه‌ نیازه‌ ‌دروست بكرێن. ئه‌م پێكهاتانه‌ش بریتین له‌ بینای به‌رز و پرد و ڕێگا سه‌ره‌كیه‌كان و به‌نداو و پیكهاته‌ی تری هایدرۆلیكی و تونێل، هه‌روه‌ها پێكهاته‌ی بچوكتریش وه‌ك دروستكردنی خانوی یه‌ك خێزانی له‌سه‌ر گردێكی لێژ. ئه‌و بناغانه‌ی كه‌ دروست ده‌كرێن بۆ پێكهاته‌كانی سه‌رزه‌وی بریتین له‌ بناغه‌ی وا كه‌ زۆر قووڵ نین، هه‌روه‌ها بناغه‌ی قووڵ وه‌ك ستوونی داكوتراو به‌ناخی زه‌وی و ستوونه‌ ڕاگره‌كانی ناو ئاو و هه‌روه‌ها دیواری ڕاگر. به‌نداوو به‌ربه‌سته‌كان بریتین له‌و پیكهاتانه‌ی كه‌ له‌‌ خۆڵ یان به‌رد دروست ده‌كرێن؛ تونێڵ له‌ناو خۆڵ یان به‌رد لێده‌درێت. ئه‌ندازیارانی جیۆته‌كنیكی هه‌روه‌ها هه‌ڵده‌ستن به‌ هڵسه‌نگاندنی ڕاده‌ی مه‌ترسی كاره‌ساته‌ سروشتییه‌كان وه‌ك بوومه‌له‌رزه‌و و ڕووچوونی زه‌وی و خزینی خۆڵ و خاشاك و كه‌وتنی به‌رد، بۆسه‌رگیانی مرۆڤ و موڵكی خه‌ڵك و ژینگه‌. هه‌روه‌ها هه‌ڵده‌ستن به‌ ڵێكۆڵینه‌وه‌و نرخاندنی ئه‌گه‌ری به‌كارهێنانی به‌ردو كانزاكان.

به‌شی ئه‌ندازیاری جیۆته‌كنیك له‌ فاكه‌لتی ئه‌ندازیاری له كۆتایی‌ ساڵی 2004 دامه‌زراوه‌. له‌ هه‌موو زانكۆكانی عیڕاقدا، ئه‌ندازیاری جیۆته‌كنیكی به‌شێكه‌‌ له‌ ئه‌ندازیاری شارستانی كه‌ له‌ خوێندنی باڵا ده‌خوێنرێت. له‌ زانكۆی كۆیه‌دا بۆ یه‌كه‌مین جار كراوه‌ به‌ به‌شێك له‌ خوێندنی زانكۆ. به‌هۆی ئه‌و پڕۆگرامه‌ چڕه‌ی بینا دروستكردن كه‌ له‌ هه‌رێمی كوردستاندا له‌ ئارادایه‌ له‌ بواری ژێرخان و ڕێگاوبان وتونێڵ وپڕۆژه‌ گه‌وره‌كان و دۆزینه‌وه‌ی كانزا و زۆر كێشه‌ی تری بناغه‌دانانی ئه‌ندازیارانه‌ له‌ هه‌رێمی كوردستاندا، ئه‌ندازیارانی جیۆته‌كنیكی خواستێكی زۆریان له‌سه‌ره‌.

بۆ بينينى سايتى بەشى ئەندازيارى جيۆتەكنيك كليك لەم لينكە بكە:

http://feng.koyauniversity.org/departments/dgen

٥- ئەندازيارى نەوت

ئێمه‌ یه‌كه‌مین به‌شی ئه‌ندازیاری نه‌وتین له‌ هه‌رێمی كوردستان و دووه‌مین به‌شین له‌ عیڕاقدا. هه‌موو ساڵێك خوێندكاران زیاتر ڕوو له‌م به‌شه‌ ده‌كه‌ن له‌ هه‌رێمی كوردستان و غیڕاق و سوریاو ئێرانه‌وه‌. به‌هۆی ناوبانگی باشی به‌شه‌كه‌ له‌ ڕووی فێركردنی جۆری و سه‌ركه‌وتنی ده‌رچووانمان. خوێندكاران له‌ زانكۆكانی تری كوردستان و عیڕاق داوا پێشكه‌ش ده‌كه‌ن بۆ وه‌رگیرانیان له‌م به‌شه‌دا. خزمه‌تگوزارییه‌ نایابه‌كانی فێركردن و هاریكاری به‌هێزمان له‌گه‌ڵ پیشه‌سازییه‌ نه‌وتییه‌كان به‌رده‌وام وامان لێ ده‌كات كه‌ ده‌رچووانی وا پێ بگه‌یه‌نین كه‌ پیشه‌سازی پێویستی پێیان ده‌بێت.

ئێمه‌ هه‌وڵده‌ده‌ین كه‌ ئه‌زموونێكی فێربوونی هانده‌ر و كارێكی داهێنانه‌ به‌جه‌ختكردن له‌ سه‌ر لایه‌نی پڕاكتیكی بۆ خوێندكارانمان دابین بكه‌ین. كارمه‌ندانمان نوێخواز و پیشه‌وه‌ری داهێنن كه‌ پسپۆڕی خۆیان له‌ بواره‌كه‌یاندا به‌كارده‌هێنن و تواناو په‌رۆشی خۆیان بۆ كاره‌كه‌یان ده‌هێنن و زانیاری خۆیان ده‌دڵۆپێننه‌ ناوكۆرسه‌ كانی خوێندن كه‌ بریتین له‌ كۆرسی هه‌وڵخواز وبیر وروژینه‌ر به‌ شێوه‌یه‌ك كه‌ به‌شی ئه‌ندازیاری نه‌وت له‌ زانكۆی كۆیه‌دا ده‌كه‌ن به‌ شوێنیكی به‌جۆش و هانده‌ر بۆ فێربوون.

هه‌روه‌ها پڕۆگرامێكی به‌رده‌وامی په‌ره‌پێدانی فاكه‌لتییه‌كه‌مان دڵنیات ده‌كات له‌ ده‌ستگه‌یشتن به‌ باشترین خزمه‌تگوزاری و ئامێر له‌ هه‌رێمی كوردستاندا.وه‌ك به‌شێكی گه‌شه‌سه‌ندووی ئه ‌ندازیاری نه‌وت و وه‌ك به‌شێك له‌ نایابی ئه‌كادیمی، ئێمه‌ هه‌موو كات له‌ هه‌وڵی به‌ره‌و پێشبردنی سنوره‌كانی زانیاری داین و خاوه‌نی كۆمه‌ڵگایه‌كی ئه‌كادیمی چالاك و خێرا گه‌شه‌سه‌ندووین كه‌ خاوه‌ن ئه‌زموون و پسپۆڕییه‌ له‌ زۆر بواری جیاوازدا وه‌ك ئه‌ندازیاری بیرلێدان وئه‌ندازیاری ئه‌مبار (ئه‌ستێل) دروستكردن و ئه‌ندازیاری ته‌كنه‌لۆجیای هاوشێوه‌ كردن/ دروستكردنی مۆدێلی هاوشێوه‌ (simulation) و به‌رهه‌مهێنان و پسپۆڕی له‌ بواره‌كانی تری ئه‌ندازیاری وه‌ك ئه‌ندازیاری كه‌ره‌سه‌ومادده‌كان و ڕۆیشتنی شله و‌ دیزاینی ئه‌ندازیاری.

به‌شه‌كه‌مان، هه‌روه‌ك به‌شه‌كانی تر له‌ فاكه‌لتی، له‌ سه‌ر ئاستی نێوده‌وڵه‌تیدا دان پیانراوه‌. فاكه‌لتی ئه‌ندازیاری، به‌تایبه‌تیش به‌شی ئه‌ندازیاری نه‌وت، ناوبانگێكی گه‌وره‌ی هه‌یه‌ له‌ بواری هاریكاری كردن له‌ گه‌ڵ كۆمپانیا دامه‌زرێنه‌ره‌ پێشڕه‌وه‌كان بۆ ئه‌وه‌ی ئه‌زموونی پێویست كه‌ ئه‌مڕۆكه‌ له‌ ژینگه‌ی كاردا پێویسته بۆ خوێندكارانمان ده‌سته‌به‌ر بكه‌ین . له‌ ڕاستیدا، به‌شه‌كه‌مان یه‌كێكه‌ له‌وانه‌ی كه‌ له‌ ڕیزی سه‌ره‌وه‌ن له‌ نێو زانكۆكانی تری كوردستاندا له‌ ڕووی هه‌بوونی په‌یوه‌ندی پیشه‌سازی باشه‌وه‌.‌ تۆماره‌كانی دامه‌زرانی ده‌رچووه‌ نایابه‌كانمان نیشانه‌ی سه‌ركه‌وتنمانه‌ و په‌یوه‌ندی به‌شی نه‌وت له‌گه‌ڵ پیشه‌سازیه‌ نه‌وتییه‌ ‌‌ ناوخۆیی و نێوده‌وڵه‌تیه‌كان وه‌ك پردیكی نایاب وایه‌ بۆ كاری شاره‌زایانه‌.ده‌رچووانمان هه‌رزوو دوای ده‌رچوونیان له‌ تاقیكردنه‌وه‌كانی كۆتاییی ساڵ ده‌ست به‌كارده‌بن به‌ مووچه‌ی زۆر به‌رز.

له‌ دواییشدا، ده‌مه‌وێ ئه‌م هه‌له‌ به‌ده‌رفه‌ت بزانم بۆ ئه‌وه‌ی به‌خێرهاتنی هه‌موو خوێندكاره‌ تازه‌كانی كه ئه‌مساڵ‌ له‌م به‌شدا وه‌رگیراون بكه‌م. دڵنیاشم له‌وه‌ی كه‌ ژینگه‌ یه‌كی هاوڕێیانه‌ و كارمه‌ندو هاوپیشه‌ی باش له‌ فاكه‌لتی ئه‌ندازیاری و زانكۆدا ده‌بینن. هیوام وایه‌ كه‌ كاتێكی خۆش و‌ به‌سوودمان له‌گه‌ڵدا به‌سه‌رببه‌ن.

بۆ بينينى سايتى بەشى ئەندازيارى نەوت، كليك لەم لينكە بكە:

http://feng.koyauniversity.org/departments/dpte

٦- ئەندازيارى كيمياوى

ئه‌ندازیاری كیمیایی له‌ زانكۆی كۆیه‌دا له‌ ساڵی 2006 دامه‌زرا. ئه‌م به‌شه‌ له‌ زانكۆی كۆیه‌ ته‌نیا به‌شه‌ كه‌ له‌ هه‌رێمی كوردستاندا هه‌بێت و له‌ زانكۆكانی تری هه‌رێم نیه‌. له‌ ئێستادا ئه‌م به‌شه‌ بڕوانامه‌ی به‌كالۆریۆسی به‌رز له‌ ئه‌ندازیاری كیمیایی ده‌به‌خشێت به‌ ده‌رچووانی، كه‌ به شێوه‌یه‌كی ئاسایی به‌ لایه‌نی كه‌مه‌وه‌ چوار ساڵ ده‌خایه‌نێت.

به‌شی ئه‌ندازیاری كیمیایی له‌ زانكۆی كۆیه‌دا ئامانجی په‌روه‌رده‌كردن و به‌رهه‌مهێنانی ئه‌ندازیارانی شاره‌زا و لێهاتووه‌ كه‌ هه‌رێمی كوردستان زۆر پێویستی پێیان هه‌یه‌ له‌ پڕۆسه‌ی گه‌شه‌كردنیدا. بۆیه‌ ئه‌م به‌شه‌ هه‌ڵده‌ستێ به‌ دابینكردنی پڕۆگرامێكی خوێندن كه‌ هاوسه‌نگی ده‌كات له‌ نێوان كۆڕسه‌ تیۆریه‌كان و كۆڕسه‌ تاقیگه‌ییه‌ كردارییه‌كاندا. له‌ دواییشدا خوێندكاران ڕاهێنانیان پێده‌كرێت و تاقیكردنه‌وه‌ ئه‌نجام ده‌ده‌ن له‌ چه‌ند تاقیگه‌یه‌كی جۆراوجۆردا وه‌كو یه‌كه‌ كردارییه‌كان و كۆنتڕۆڵكردنی پڕۆسه‌كان و میكانیكی شله‌كان و گواستنه‌وه‌ی گه‌رمی و داینامیكی گه‌رمی وتاقیگه‌ی كارلێكی ئه‌تۆمی. ده‌رچووانی زانكۆ هه‌روه‌ها هه‌ڵده‌ستن به‌ ئه‌نجامدانی كاری ئه‌ندازیاری و به‌ڕێوه‌بردن له‌ دوو یان سێ پیشه‌ له‌كاتێكدا كه‌ له ماوه‌ی خولی ڕاهێنانی هاوینه‌دا له‌ ‌ پیشه‌سازیدا كارده‌كه‌ن.

سه‌ره‌ڕای ئه‌مانه‌ش، هه‌موو ساڵێك خوێندكاران ئه‌زموونی زیاتر له‌ كاری پیشه‌سازیدا له‌ ڕێگای سه‌ردانكردنی ژماره‌یه‌ك له‌ شوێنه‌ پیشه‌سازییه‌كانه‌وه‌ به‌ده‌ست ده‌هێنن. بۆیه‌ پڕۆگرامی خوێندنی زانكۆ له‌ به‌شی ئه‌ندازیاری كیمیایی‌ زانكۆی كۆیه‌دا تێكه‌ڵه‌یه‌كی باش له‌ خوێندنێكی به‌رزئاستی ناو پۆل و ئه‌زموونی كرداری بۆ خوێندكاران دابین ده‌كات.

له‌ بواری چالاكییه‌كانی توێژینه‌وه‌دا، ئه‌م به‌شه‌ هه‌وڵ ده‌دات كه‌ ژینگه‌یه‌ك بۆ كارمه‌نده‌ ئه‌كادیمییه‌كانی سازبدات بۆ ئه‌نجامدانی توێژینه‌وه‌ له‌ بواری پسپۆڕی خۆیاندا كه له‌ ئاستی توێژینه‌وه‌ نێوده‌وڵه‌تییه‌كاندا بێت و هه‌روه‌ها بۆ پێشكه‌شكردنی خزمه‌تگوزاری ڕاوێژكاری به‌ جۆره‌ها كه‌رتی پیشه‌سازی وه‌ك كه‌رتی نه‌وت و گاز و وزه‌.
به‌ شێوه‌یه‌كی گشتی ئامانجی ئه‌م به‌شه‌ به‌رهه‌مهێنانی پۆلێكه‌ له‌ ده‌رچووان كه‌ له‌ ئاستی جیهانیدا بن و له‌گه‌ڵ ئه‌نجامدانی توێژینه‌وه‌ له‌ ئاستێكی به‌رزدا.

بۆ بينينى سايتى بەشى ئەندازيارى كيمياوى، كليك لەم لينكە بكە
http://feng.koyauniversity.org/departments/dche

٧- ئەندازيارى سۆفتوێر

به‌شی ئه‌ندازیاری سۆفت وێر یه‌كێكه‌ له‌ كۆڵه‌گه‌كانی فاكه‌لتی ئه‌ندازیاری له‌ زانكۆی كۆیه‌دا. ئه‌م به‌شه‌ له‌ ساڵی خوێندنی 2005-2004 دا دامه‌زرا به‌هۆی په‌رۆشی زانكۆ بۆ دابینكردنی پێداویستیه‌ په‌له‌خوازه‌كانی كۆمه‌ڵگا له‌ بواری جیاوازدا و هه‌روه‌ها بۆ په‌ره‌پیدان و به‌ڕێوه‌بردنی ئه‌و پڕۆگرامانه‌ی كه‌ پێویستن بۆ دابینكردنی پێداویستی به‌كارهێنه‌ران. ئه‌ندازیاری سۆفت وێر له‌ ئێستادا به‌شێكی زۆر گرنگ و پێویسته‌ چونكه‌ ئه‌ندازیاران دابین ده‌كات بۆ كۆمه‌ڵگا كه‌ ده‌توانن به‌رپرسیارییه‌تی له‌ زۆر بواری ئه‌ندازیاری سۆفت وێره‌وه‌ وه‌ربگرن.

ئه‌م به‌شه‌ پێی وایه‌ كه‌ خوێندكاران گرنگترین كۆڵه‌كه‌ی زانكۆن، بۆیه‌ هه‌مووكات گرنگی ده‌دات به‌ جێبه‌جێكردنی بیرۆكه‌كانی كه‌ ئامانجییه‌تی و هه‌روه‌ها به‌شداری ده‌كات له‌ به‌ره‌و پێشبردنی شاره‌زاییه‌ پیشه‌ییه‌كانی كه‌ پێویستن بۆ دابینكردنی هه‌لی كار بۆ خوێندكارانی چ له‌ ناوه‌خۆدابێت یان له‌ ده‌ره‌وه‌.

بۆ بينينى سايتى بەشى ئەندازيارى سۆفت وێر، كليك لەم لينكە بكە
http://feng.koyauniversity.org/departments/dswe

 

بینێرە بۆ پۆلی ١٢ ەیەک

9
تەموز

هەواڵێکی بەپەلە بۆ خوێندکارانی پۆلی ١٢ ، خولی یەکەم و دوەم

هەواڵێکی بەپەلە بۆ خوێندکارانی پۆلی ١٢ ، خولی یەکەم و دوەم

وتەبێژەی خوێندنی باڵا-عەباس ئەکرەم رایگەیاند کە دەرچوانی خولی یەکەم و دوەم پێکەوە فۆرم پڕدەکنەوەو پێکەوەش ناویان دێتەوەو بریاری رێژەی وەرگرتنی ٧٠٪ بە ٣٠٪ زیان بە دەرچوانی خولی یەکەم ناگەیەنێ و ئەوپەری ٢ نمرە جیاوازی دەبێ لە نێوان  و دەرچوانی خولی یەک و ٢ و ئەم بریارەیانداوە تا مانگی ٩ دەستبکرێ بە دەوام. عەباس ئەکرەم راشیگەیاند دەیانەوێ وەک وڵاتانی تر ئاستی زانستی بەرزبکەنەوە بۆیە ئەم بریارەیانداوە

جێی باسە ئەمە ئەمە دانناێکی رون و ئاشکرایە بەوەدا کە ئەم بریارە جیاوازی دروست دەکات و نمرەی  وەرگرتن بۆ دەرچوانی پۆلی ١٢ بە خولی دوەم بەرزدەکاتەوەو ئەو جیاوازی ٢ نمرەش تەنها پێشبینی کردوەو کەس ناتوانێ پێشوەخت پێشبینی بکات

%d هاوشێوەی ئەم بلۆگەرانە: